shabab-w-bas

montada shababy
 
الرئيسيةالبوابةاليوميةس .و .جبحـثالمجموعاتالتسجيلدخول

شاطر | 
 

 ليه الحجاب فرض علينا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ozo92
.
.


الابراج : السمك
عدد المساهمات : 183
نقاط : 2988
تاريخ التسجيل : 03/08/2009
العمر : 24
انثى

مُساهمةموضوع: ليه الحجاب فرض علينا   الأربعاء أغسطس 26, 2009 6:24 pm


اولا لازم تعرفوا موصفات الحجاب الصح و هى




يلا بقى نعرف ليه احنا اتفرض علينا الحجاب





علشان انا حرة.. مش من حق حد يشوف مني اللي مش عاوزاه يشوفه إلا بإرادتي.. ومن حقي اختار مين اللي يشوف مني أجمل ما عندي.. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر

*************



علشان انا جمالي مش خارجي وبس.. ومن حقي ان اللي ييجي يتجوزني.. واللي حاديله الباقي من عمري.. واللي حديله كل مشاعري.. واللي حاقاسمه أحلامي وأفكاري.. واللي حخلف منه ولادي.. وح اربيهم معاه.. مايختارنيش على مقاييس شكلية وبس.. أو تبقى هي دي العامل الأساسي في أختياره ليا.. علشان كدة مش ضروري يشوفني في كامل زينتي وجمالي قبل ما ي! تجوزني.. الأهم انه يحب روحي ويعجب بشخصيتي.. ويرتاح معايا نفسياً.. أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده.. واللي اختارها علشان جمالها.. ممكن قوي يتجوز عليها واحدة أجمل منها.. لأنه أكيد في
**************



علشان أنا باحترم نفسي.. وشايفة نفسي كبيرة قدام نفسي.. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية
*************




علشان أنا غالية.. مينفعش أقلل من قيمة نفسي واخليها عرضة لكل العيون.. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني.. حتى لو مكنش ده قصدي.. بس مش حقدر امنعه.. كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض.. مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع.. ده يتضمن حتي الزبال اللي بيسوق عربية الزبالة في الشارع.. كل دول بقى من الممكن انهم يبصوا لي.. لأ ده كمان يمكن ماعجبهمش ويدوروا وشهم إعراضاً
*************



علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع.. ويمكن يكون عاوز يقرب من ربنا.. وبيجاهد نفسه علشان يغض بصره.. فمرضاش لنفسي اني اكون سبب في اني افتنه علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية.. فمش ضروري يعني ازود عليه همومه.. وأخيِلُه في الرايحة والجاية

*************

ده غير حاجة مهمة كمان.. الكفن بتاع النساء.. فيه حجاب.. فاللي مش ح تلبسه وهي حية بإرادتها طاعة الله.. ح تلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف.. ومحدش حيشوفنا تاني ولا حد حيطمع فينا.. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟




[u][i]و دلوقتى بقى قولولى؟؟





*****************************

الموضوع دا مقتبس و منقول من جروب
http://www.facebook.com/home.php#/group.php?gid=243806310482&ref=ts

_________________


دا اعلان addidas هههههههههه
الرجوع الى أعلى الصفحة اذهب الى الأسفل
nana
مشرف عام
مشرف عام


الابراج : الدلو
عدد المساهمات : 631
نقاط : 3423
تاريخ التسجيل : 04/08/2009
العمر : 25
انثى

مُساهمةموضوع: رد: ليه الحجاب فرض علينا   الأربعاء أغسطس 26, 2009 7:35 pm

حلو اوووووووووووووووووووووووى بجد

تسلم ايدك بجد يا بسمه

و جزاكى الله خيرا

_________________
الرجوع الى أعلى الصفحة اذهب الى الأسفل
ozo92
.
.


الابراج : السمك
عدد المساهمات : 183
نقاط : 2988
تاريخ التسجيل : 03/08/2009
العمر : 24
انثى

مُساهمةموضوع: رد: ليه الحجاب فرض علينا   الأربعاء أغسطس 26, 2009 7:41 pm

ثنكس يا نينو يا قمر

_________________


دا اعلان addidas هههههههههه
الرجوع الى أعلى الصفحة اذهب الى الأسفل
احــــــــــمـــــــــــد
.
.


الابراج : الاسد
عدد المساهمات : 811
نقاط : 3839
تاريخ التسجيل : 18/08/2009
العمر : 24
ذكر

مُساهمةموضوع: رد: ليه الحجاب فرض علينا   الخميس سبتمبر 03, 2009 1:12 pm

شرج جميل
ووصف احلي
احسن حاجه بتاعه الملبسه
الرجوع الى أعلى الصفحة اذهب الى الأسفل
 
ليه الحجاب فرض علينا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shabab-w-bas :: المنتدى الدينى :: الموضيع الدينية-
انتقل الى: