shabab-w-bas

montada shababy
 
الرئيسيةالبوابةاليوميةس .و .جبحـثالمجموعاتالتسجيلدخول

شاطر | 
 

 هتعمل ايه لو كنت مكان عمك عماد؟؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
alr7ala_88
.
.


عدد المساهمات : 11
نقاط : 2684
تاريخ التسجيل : 26/08/2009

مُساهمةموضوع: هتعمل ايه لو كنت مكان عمك عماد؟؟!   الأربعاء أغسطس 26, 2009 7:28 pm

الاول احب اعرفكم بعم عماد, عم عماد بيشتغل كمسري في قطر الصعيد المكيف, عنده 45 سنه, وغير متزوج , يعني لو اتجوز كان زمانه خلف واد شحط قدي.



قعدت معاه شوية في كافتيريا القطر, وحكينا مع بعض على ظروف السكة الحديد , خصوصا بعد ما وقع كمسري زميله وجاله هبوط , قبل ما تيجي المحطة اللي هينزل فيها بساعتين من كتر الوقفة, وقاللي عم عماد معلقا على حالة زميله:



يا عمي ليل نهار شغل, ومابين كل وردية ووردية 8 ساعات نوم بس, مش بنلحق ننام فيهم, وبين كل ورديتين 24 ساعة راحه, ونرجع من تاني, وفي الآخر مش بناخد اللي يستحق التعب ده كله.



قلتله: ما انتم شغالين اضرابات ليل نهار, راح رد وحلف ان مافيش حاجة اتصرفت لغاية دلوقتي, كله كلام على ورق!!!



واحنا شغالين بنتكلم قام نادى على عامل التكييف, وقاله اطلع على عربية 9 ووطي المكيف, قاله ماشي , واكد عليه تاني وقاله "توطيه ما تفصلهوش" عشان العربية ما تسخنش والناس ما تشتكيش, راح رد العامل وقاله ما ينفعش اطفيه اساسا!!



كملت كلامي معاه وقلت: مشكلة المكيف ان العربية فيها 60 واحد, لو واحد اشتكى من البرد التاني يشتكي من الحر, المفروض تكون درجة حرارة المكيف ثابته وما تتغيرش, راح رد بنفس مضمون السؤال انه ما ينفعش عشان في اطفال ممكن تبرد, وفي ناس ممكن تتحر, ومارضيتش اعقب!



خلصت الشاي, واستأذنت من عم عماد ورجعت مكاني,ولحظي الجميل انا كنت في عربية 9, وبعيد عنكم, حسيت اني في فرن مولع نار, ولسه 4 ساعات على الطريق, رحت غمضت عيني ونمت, وصحيت قبل ما ندخل الجيزة بنص ساعة, والناس شغالة بتتخانق مع عم عماد , وثورة في العربية على عم عماد, ليه المكيف مطفي , وليه الدنيا حر, واحنا قلنالك وطيه مش تطفيه خالص....راح رد وقال انا من قبل ما اطلع من سوهاج وانا قايل على حكاية المكيف ومنبه انه لو اتوطى العربية هتسخن...رد راكب وقاله ده مكيف يعني فيه درجات, ممكن توطي وممكن تعلى على حسب, مافيش حاجه اسمها يا نطفيه يا نعليه....عشان يهدي الموضوع قالهم انا هنادي عامل التكييف وان شاء الله يعليه تاني!

لمتابعة المقالة الرجاء الضغط على الرابط الآتي
http://alr7ala.blogspot.com/2009/08/blog-post_20.html
الرجوع الى أعلى الصفحة اذهب الى الأسفل
احــــــــــمـــــــــــد
.
.


الابراج : الاسد
عدد المساهمات : 811
نقاط : 3837
تاريخ التسجيل : 18/08/2009
العمر : 24
ذكر

مُساهمةموضوع: رد: هتعمل ايه لو كنت مكان عمك عماد؟؟!   الأربعاء أغسطس 26, 2009 9:48 pm

شكرا علي التوبك
الرجوع الى أعلى الصفحة اذهب الى الأسفل
دموع القمر
.
.


الابراج : السرطان
عدد المساهمات : 541
نقاط : 3363
تاريخ التسجيل : 21/08/2009
العمر : 21
انثى

مُساهمةموضوع: رد: هتعمل ايه لو كنت مكان عمك عماد؟؟!   الخميس أغسطس 27, 2009 3:08 am

هههههههههههههههههههه
المضوع جميل اووى بس انت حكيت كل حاجة بتفصيل
والمشكله كلها على التكيف ياعم يفتحو الشبابيك
احسن بس دة لو اول موضوع ليك تبقى عضو دمك خفيف 36_1_39[1]
الرجوع الى أعلى الصفحة اذهب الى الأسفل
فيرى
.
.


الابراج : القوس
عدد المساهمات : 360
نقاط : 3043
تاريخ التسجيل : 07/08/2009
العمر : 24
انثى

مُساهمةموضوع: رد: هتعمل ايه لو كنت مكان عمك عماد؟؟!   الأحد أغسطس 30, 2009 1:14 am

نايس توبيك
وميرسى بجد حلو توى التوبيك



36_3_11[1] 36_3_11[1] 36_3_11[1]
الرجوع الى أعلى الصفحة اذهب الى الأسفل
alr7ala_88
.
.


عدد المساهمات : 11
نقاط : 2684
تاريخ التسجيل : 26/08/2009

مُساهمةموضوع: رد: هتعمل ايه لو كنت مكان عمك عماد؟؟!   الجمعة سبتمبر 04, 2009 11:03 pm

شكرا ليكم كلكم يا شباب وبنات 36_1_39[1]

بس يا دموع القمر شكلك ما ركبتيش مكيف قبل كده

اصل القطر المكيف شبابيكة ما بتتفتحش
36_1_4[1]
الرجوع الى أعلى الصفحة اذهب الى الأسفل
 
هتعمل ايه لو كنت مكان عمك عماد؟؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shabab-w-bas :: المنتدى العام :: المنتدى العام-
انتقل الى: